حلويات حسناء

صابلي بكريمة اللوز

3:06 م

•

صابلي بكريمة اللوز

المقادير

125غ زبدة

70غ سكر كلاصي

40غ بودرة اللوز

اصفر بيضة

ملح

قطرات من نكهة اللوز

الدقيق حسب الخليط

الطريقة

تنخدمو الزبدة مع السكر تنضيفو البيض والملح واللوز والدقيق حسب الخليط وتندخلوها للتلاجة

تنحاولو نلبسوها للمولات الصغار ونعمروهم بكريمة اللوز

كريمة اللوز

100غ بودرة اللوز

100غ سنيدة

100غ زبدة بوماد

بيضة

اللوز ايفيلي للتزيين

بالضراب الكهربائي تنخلطو الزبدة مع السكر تم نضيفو البيضة مع التخلاط المستمر تم نضيفو الللوز بودرة (انا في هاد الصابلي طحنتو بقشورو ولكن ملي تنبغي نستعمل كريمة اللوز في لطاغط او في الكاليط الملوك تنستعمل بودرة اللوز المقشر )

تنوضع هاد الخليط في وسط العجين ونزين باللوز ايفيلي نذخلوه للفرن ملي يطيب نخليوه يبرد ونزينوه بموتيف الشكلاط حسب الذوق

اقرأ المزيد

حلوة كلاصي بالبيسطاش وحشوة الكناش مغطاة بكلاصاج ميروار

2:25 م

•

حلوة كلاصي بالبيسطاش وحشوة الكناش مغطاة بكلاصاج ميروار

المرحلة الاولي الصابلي كقاعدة

ممكن تحضير اي نوع صابلي معتمد عندكم انا درتو بالكاكاو وقطعتو في قياس المول اللي صايبت بيه الموس ديال البيسطاش

المرحلة التانية كناش للحشو:

100غ شوكولا سوداء نوع جيد

100غ كريمة

ملعقة تريمولين ( تيخلي الكناش رطب واخة تيتجمد ممكن الاستغناء عليه )

تنذوبو الشكلاط في حمام مريم

تنوضعو الكريما فوق النار لتغلي تنزولوها ونضيفو ليه التريمولين والشكلاط نخلطو جيدا حتى ينسجم الكل ونعمرو مول السليكون يكون نفس شكل المول اللي غاديين نجمدو فيه لموس البيسطاش ولكن بحجم اصغر نذخلوه للمجمد ملي يجمد نوضعوه وسط الموس

مقادير موس البيسطاش

100غ عجين البيسطاش او بودرة البيسطاش او بودرة اللوز مقشر ومحمر ومطحون

250غ كريما مخفوقة

80غ شوكولا بيضاء نوع جيد

2 اوراق جلاتين

نكهة البيسطاش

ملون بيسطاش

تنذوبو الشوكلاط في حمام مريم وتنسخنو 50غ من الكريمة نضيفوها للشكلاط ساخن ونخلطو جيدا تم نضيفو الجلاتين مرطب في الماء نضربو الكريمة ونضيفو لها البيسطاش وخليط الشوكولا وقطرات من النكهة وملون نخلط جيدا لينسجم الكل ونعمرو لمول السليكون ونوضعو قطعة الكناش المجمدة ونغطيها بلموس ندخلوها للمجمد انا خليتها ليلة كاملة ملي تتجمد تنسقيها بكلاصاج ميروار بيسطاش

المرحلة الاخيرة :كلاصاج ميروار بيسطاش ( انا استعملت نصف هذه المقادير)

150غ شكلاط ابيض

150غ كليكوز

150غ سنيدة

100غ نيسلي

75غ ماء

4 اوراق جيلاتين

قطرات من نكهة البيسطاش

قليل من ملون بيسطاش

في كاسرونة تنوضعو الماء مع الكليكوز مع السكر حتى الغليان تنزولوه ونضيفو الشكلاط مذاب في حمام مريم ونيسلي ونخلطو جيدا باش تنسجم المقادير تم تنضيفو الجلاتين مرطب وقليل من النكهة واللملون تنطحنو هاد الخليط بخلاط يدوي او في طحانة ديال العصير تنصفيوه ونحتافظو بيه حتى يولي دافئ عاد نخرجو الحلوى نوضعوها فوق شبكة ونسقيوها للمرة الاولى حتى يقبط الكلاصاج ونعاودو طبقة تانية تم نزينوها من الجوانب بالبيسطاش مدردش ونوضعوها فوق قطعة الصابلي ونزينوها حسب الرغبة انا زينتها بموتيف الشوكولا وسيكار الشوكولا باللون الاسود وبيسطاش

اقرأ المزيد

حلوة كلاصي بموس الفريز وموس المانجا

10:32 ص

•

حلوة كلاصي بموس الفريز وموس المانجا

هاد 2 حلويات عندهم نفس المقادير والطريقة

الشكل الدائري موس الفريز

الشكل التاني الاوفال بموس المانجا (ممكن استبدالها بالخوخ المعلب )

المرحلة الاولى الجينواز

4البيضات

120غ سنيدة

120غ دقيق مغربل

ملح ولفاني

الطريقة

تنضربو البيض مع السنيدة حتى يتضاعف حجم الخليط الى 3 مرات تم تنضيفو الدقيق والملح ولفاني ونخلطو من التحت للفوق ببطء تنسرحو هاد الخليط في لاطة مفرشة بورق السولفيريزي قياس 40 على 30سم تندخلوها لفرن ساخن معتدل الحرارة حتى طيب ملي نخرجوها نخليوها تبرد ونقطعوها دوائر بنفس المولات اللي غاديين نديرو فيهم المونطاج

مقادير لموس ديال الفريز( نفس المقادير ديال لموس المانجا)

250غ فريز مطحون مع 80غ سنيدة تنضيفو ليه قطرات من نكهة الفريز نوضعوه فوق النارحتى الغليان تنزولوه ونضيفو ليه 4 اوراق من الجيلاتين مرطب مسبقا في الماء نخلطو جيدا ونتسناو حتى يبرد عاد نضيفوه ل 300غ من الكريمة مخفوقة بدون ماتوصل لمستوى الشانتيي

تنوضعو هاد الموس في وسط المولات فوق الجنواز وندخلوها للمجمد حتى تجمد عاد نضيفو طبقة الكلاصاج بالفريز

مقادير الكلاصاج

250غ فريز مطحون مع 60غ سنيدة تنضيفو له معلقة كبيرة كليكوز وملعقة صغيرة ناباج و قطرات من نكهة الفريز تنوضعو الكل فوق النار ملي تيغلي تنزولوه ونضيفو ليه 3 الاوراق جلاتين مرطبة في الماء ملي يبرد هاد الخلبط نصبوه فوق لموس المجمدة ونرجعوه للمجمد باش يقبط نزولوه من الاطارات ونزينوه بفريزة

نفس الطريقة والمقادير بالنسبة لموس المانجا

الشكل النهائي بالصحة و الراحة

اقرأ المزيد

حلوى كلاصي بموس الاناناس وجينواز الكوك

10:07 ص

•

حلوى كلاصي بموس الاناناس وجينواز الكوك

مقادير الجنواز

4 البيضات

120غ سنيدة

100غ دقيق

20غ كوك مطحون

ملح

الطريقة

تنضربو البيض مع سنيدة حتى يتضاعف حجمه الى 3 مرات تم تنضيفو الكوك والدقيق ونخلطو ببطئ من التحت للفوق ونسرحو الخليط في لاطة مغلفة بورق السولفيريزي قياس 40 على 30 سم ونذخلوها لفرن ساخن معتدل الحرارة ملي طيب وتبرد نقطعوها الى 2 مربعات قياس الاطار المربع اللي غاديين نمونطيو فيه الحلوة

مقادير موس الاناناس

150غ كريمة مخفوقة

120غ اناناس مطحون مع 40غ سكر

2 اوراق جلاتين

قطرات من نكهة الاناناس

في كاسرونة تنوضعو خليط الاناناس والسكر يغلي نزولوه من فوق النار ونضيفو الجلاتين مرطب ملي يبرد الخليط نضيفوه على الكريمة المخفوقة ونخلطو جيدا وتنصبو نصف الخليط فوق الجنواز ونوضعو فوقو قطع صغيرة ديال الاناناس وسط الاطار ونوضعو المربع التاني ديال الحنواز نسقيوه بسيرو الاناناس المعلب ونصب الجزء التاني من الموس ندخلوها للمجمد ملي تجمد نصبو فوقها كلاصاج

مقادير الكلاصاج

100غ اناناس مطحون مع 100غ سيرو الاناناس نصفيوه من الشوائب ونديره يغلي فوق النار مع ملعقة سكر خارج النار نضيف 2 اوراق جلاتين مرطب نخلطو مزيان وملي يبرد الخليط نصبه فوق الموس المجمد وندخلوه للمجمد ملي بجمد نزولوه من وسط الاطار ونقطعوه مستطيلات ونزينوه بقطع الاناناس

الشكل النهائي بالصحة و الراحة